Archivos por categoría: novedaes

12 ene

El Cantar del Vasu – la llingua asturiana tien futuru

El Cantar del Vasu ye un proyectu didácticu que naz nes escueles y institutos d’Asturies adaptando’l popular Cup Song. El cantar y la coreografía quieren ser un reflexu de la importancia de la tresmisión interxeneracional pa caltener la llingua asturiana.

Esti vidiu ye una compilación d’esti proyectu durante’l cursu escolar 2013-14 y cunta cola collaboración de persones y entidaes ayenes al ámbitu educativu que se sumaron a esta iniciativa col enfotu que que la llingua asturiana tenga un futuru dignu.

12 may

Hoi presentámosvos a Elsa y Sara (IES Ríu Ñora)

El sábadu pela mañana tuvimos grabando en La Pola Siero (na Plaza Cubierta, nel Parque y nes Cais Cerraes), pa dir faciéndovos naguar dexámosvos esti vidiu d’Elsa y Sara con 8 vasos.

¿sabes facer dalgo asemeyao? ponte en contactu con nós en xuncir.net@gmail.com, o nos nuestros perfiles sociales en Facebook, Twitter, Tumblr o Flickr.

Estos díes diremos xubiendo delles semeyes que saquemos a la cuenta de flickr.

El Cantar del Vasu ye un proyectu de Xuncir.